Views: 426
कल्याण : कल्याण डोंबिवली महापालिका आयुक्त यांनी यापूर्वीच दिलेल्या निर्देशानुसार, शहर विद्रुपीकरणात भर घालणारे बॅनर्स काढण्याची कारवाई विविध प्रभागांच्या सहा.आयुक्तांमार्फत सातत्याने सुरूच असुन या कारवाईमध्ये अ प्रभागाचे सहा.आयुक्त दिनेश वाघचौरे यांनी टिटवाळा मार्केट चौक येथील ५५ लहान-मोठे बॅनर्स काढण्याची कारवाई केली. हि कारवाई फेरीवाला पथक कर्मचारी व १ जेसीबीच्या मदतीने करण्यात आली.
त्याचप्रमाणे ब प्रभागातही सहा.आयुक्त राजेश सावंत यांनी माधव संकल्प – निकी नगर – वायले नगर – खडकपाडा, सिनेमॅक्स येथील ४९ लहान-मोठे बॅनर्स काढण्याची कारवाई केली. क प्रभागाचे सहा. आयुक्त संजयकुमार कुमावत यांनी आधारवाडी जेल – लालचौकी – दुर्गाडी देवी परिसर – आग्रा रोड वरील १५४ लहान मोठे अनधिकृत बॅनर्सवर कारवाई केली. हि कारवाई फेरीवाला पथकामार्फत करण्यात आली.
तसेच ड प्रभागात सहा.आयुक्त चंद्रकांत जगताप यांनी कल्याण (पूर्व) खडेगोळवली – पुनालिंक रोड वरील ५० लहान-मोठे अनधिकृत बॅनर्स काढण्याची कारवाई केली.
ग प्रभागात सहा. आयुक्त संजय साबळे यांनी २५ लहान – मोठे अनधिकृत बॅनर्स काढण्याची कारवाई केली.
तर आय प्रभागाच्या सहा.आयुक्त हेमा मुंबरकर यांनी पिसवली गाव येथील ५५ लहान – मोठे अनधिकृत बॅनर्स काढण्याची कारवाई केली.
